Hauge i salmeboka
		Tre tonesette Hauge-dikt er med i det nye salmebokforslaget for Den norske kyrkja, som i tida framover skal prøvesyngjast i meinighetane rundt i landet. Den endelege Salmeboka skal liggja føre i 2010.
		Dei tre representerte Hauge-dikta er «Alltid ventar eg å finna», «Det er den draumen me ber på» og «Bøn». Sistnemnde dikt har i salmeboka fengje namnet «Opn mine augo, Herre».
		Dikta Alltid ventar eg å finna Alltid ventar eg å finna noko som gjev livet verd, noko som er verdt å vinna, som kan lyfta meg og tvinna stål i viljen, stø mi herd. Løysa meg frå tvils forbanning so eg audmjuk bøygjer kne for ei evig livsens sanning som kan gje meg rettvis kanning, mål å gå mot, tru og fred. Sæl er den som sterkt er dregen og ser Herrens finger skriv. Orm vert stav og logeslegen busk vert grøn att. Leit deg vegen fyrr den stutte dagen sviv! Det er den draumen me ber på Det er den draumen me ber på at noko vedunderleg skal skje, at det må skje – at tidi skal opna seg at hjarta skal opna seg at dører skal opna seg at berget skal opna seg at kjeldor skal springa – at draumen skal opna seg, at me ei morgonstund skal glida inn på ein våg me ikkje har visst um. Bøn / Opn mine augo, Herre Nysnøen legg si kåpe yver den svarte tind. Natthimmelen opnar skåpet tusund av blånar inn. Vintersnaud bjørki loggar, spirone bryt or mold. Mognande klårhaust voggar åkrar, tunge av foll. Opn mine augo, Herre, so eg kan betre sjå underet, ikkje berre avglansen utanpå. Fyll til den siste kvelden hjarta med song og sut, anden og altarelden loge i einskap ut! Les meir om salmeboka her.
		Bilete: Olav H. Hauge