Ei siste helsing frå «Sju vindar»

Etter 3 mnd i Asia har «Sju vindar» gått over til å heite «Seven winds», og dei er klare til i innta dei norske konsertscenene. I april/ mai vert det platelansering, og fleire turnear er under planlegging.

Det var sterkt å oppleve korleis tekstane og musikken endra seg gjennom heile turneen, og heldt fram med å utfordre oss. Korleis musikken og tekstane vart tatt imot i slummen i Bhopal, India, på skulekonsert i Kathmandu, Nepal, Litteratursenteret i Seoul, Korea, Universitetet i Lanzhou, Kina, Konservatoriet på Zanzibar, Tanzania og ikkje minst møte med musikarane og studentane frå fem ulike universitet i Sri Lanka. Dette er møte vi kjem til å ta med oss vidare.

Vi vil takke HT08, Dei Nynorske Festspela, Norsk Kulturråd, MIC, Den Norske Ambassade i Beijing, Rikskonsertene, Oslo kommune, Sparebank Vest og FFLB for at de var med og gjere dette prosjektet moleg. Det er utruleg kva ein kan få til når ein får lov til å jobbe med folk som torer og vil.

For meir informasjon om "Seven winds" sjå www.myspace.com/eldenhauge

Helsing Unni Løvlid

1. "Sju vindar", Becaye Aw, Unni Løvlid og Rolf-Erik Nystrøm (Foto: Magni Hjertenes Flyum / Nynorsk kultursentrum)
2. Unni Løvlid (Foto: Geir Stokken / NPK)